कैलालीको श्रीपुरमा दुर्घटना एकजनाको मृत्यु

गणेश चुदाली
अर्घाखाँची टाईम्स अर्घाखाँची प्रतिनिधि

पूर्वपश्चिम राजमार्ग अन्तर्गत कैलालीको श्रीपुर गाविसको खैराना पुल नजिक आज बिहान ट्याक्टर र ट्रक एक आपसमा ठोक्किँदा १ जनाको ज्यान गएको छ । दुर्घटनामा परी ज्यान जानेमा गेटा गाविस वडा नं। १ गेटाका तेजुराम चौधरी रहेको जिल्ला प्रहरी कार्यालयका प्रहरी निरीक्षक सुदाम रावलले बताउनुभएको छ । दुर्घटनामा परी गम्भीर घाइते भएको चौधरीको सेवा नसर्िङ होम अत्तरियामा उपचारका क्रममा मृत्यु भएको हो । दुर्घटनामा परेर ३ जना घाइते भएका छन् । अत्तरियाबाट पूर्वतर्फ गइरहेको से १ त २४ ५३ नम्बरका ट्रेक्टर र विपरित दिशाबाट आइरहेको ना ३ ख ३८ ४२ नम्बरको ट्रक एक आपसमा ठोक्किदा दुर्घटना भएको हो । दुर्घटनामा परी ट्याक्टरमा पूर्णरुपमा क्षति पुगेको छ । ट्रक चालकलाई इलाका प्रहरी कार्यालय मालाखेतीले नियन्त्रणमा लिएको छ ।   
 
यसैगरी पूर्वपश्चिम राजमार्ग अन्तरगत पर्ने बाँकेको महादेवपुर गाबिस ढकेरीमा आज दिउसो जिप दुर्घटना हँुदा एक महिलाको ज्यान गएको छ भने ६ जना घाइते भएका छन् । चन्द्रौटाबाट धनगडी तर्फ दुलही लिएर फर्किरहेको म्ीज्ञ ख्ब् द्धज्ञद्दज्ञ नम्बरको भारतिय जिप बिपरीत दिशाबाट आईरहेको लु।१ ख।५४६६ नम्बरको टिप्पर गाडीसँग ठोकिँदा उक्त दुर्घटना भएको हो । दुर्घटनामा परी अर्घाखाँची की मधु शाहको मृत्यु भएको छ भने घाइते ६ जनाको नेपालगंज मेडिकल कलेज कोहलपुरमा उपचार भइरहेको इलाका प्रहरी कार्यालय कोहलपुरले जनाएको छ ।