सशस्त्र हतियारधारी समुह र सशस्त्र प्रहरीको गस्ती टोलीबिचमा दोहरो गोली हानाहान

 

सशस्त्र हतियारधारी समुह र सशस्त्र प्रहरीको गस्ती टोलीबिचमा सोमबार धनुषाको नक्टाझिझमा दोहरो गोली हानाहान भएको छ । सशस्त्र प्रहरी वेस क्याम्प मुजेलियाले दिएको जानकारी अनुसार राति करिब ९:१५ बजे गस्तीमा रहेको प्रहरी टोली चेकजाँच गर्ने क्रममा नक्टाझिझ निर चेकजाँच नगर्न थाले हतियारधारी समुहले प्रहरी माथि गोली प्रहार गरेका थिए ।

सशस्त्र प्रहरीले उनी जवाफी कारवाही गर्दा एक जना सशस्त्र समुहका कार्यकर्ताको मृत्यु भएको छ । प्रहरीले मृतकको नाम खुल्न नसकेको जनाएको छ । सशस्त्र समुह चार जनाको समुहमा रहेको बताइएको छ । सशस्त्र समुहको तर्फ बाट तिन राउण्ड गोली प्रहार गरिएको थियो भने प्रहरी तर्फ १० राउण्ड जति गोली प्रहार भएको थियो । धनुषामा चार दिन यता चार जनाको मृत्यु भएको दुई जना घाइते भएका छन ।