– वीरेन्द्र केसी
अर्घाखाँची – नेकपा एमाले स्थायी समितिका सदस्य एवं प्रभावशाली नेता केपी शर्मा ओली आज शनिवार अर्घाखाँचीको अर्घातोष गाविसको डाडाँकटेरीमा आउने कार्यक्रम रहेको छ । । ओलीले सहिद हुमानन्द बाजाडेको शालिक अनावरण गर्ने कार्यक्रम रहेको छ । एमाले क्षेत्र नं। १ अर्घाखाँचीको आयोजनामा हुन गईरहेको विशाल जनसभा तथा शालिक अनावरण कार्यक्रममा ओली सहित एमाले प्रचार विभाग प्रमुख प्रदिप ज्ञवाली लगायतका केन्द्रीय स्तका नेताहरुले सम्बोधन गर्ने एमाले क्षेत्रीय अध्यक्ष पिताम्बर भुसालले बताए ।
बजाडेलाई माओवादीले २०६० सालमा हत्या गरेका थिए । आज दिउसो शालिक अनावरण गर्ने कार्यक्रम रहेको छ । ओली हिजै तम्घास आईपुगेका छन । कार्यक्रममा १० हजार कार्यकर्ता र जनता सहभागी हुने एमालेले जनाएको छ ।
त्यस्तै सुरक्षाका लागि दुई सय भन्दा बढी युथफोस्र परिचालन गरिएको छ भने सरकारी निकायले पनि पाल्पा गुल्मी अर्घाखाँची र कार्यक्रम हुने स्थल वरपर सुरक्षा व्यवस्था कडा पारेको प्रशासनले जनाएको छ । आज दिउसो सालिक अनावरण पछि ओली गुल्मीको तम्घासमा आईतवार कार्यकर्ता भेटघाट गर्ने बताईएको छ ।
कार्तिक २७ गते, २०६७ मा प्रकाशित
