मंसिर १९ गते, २०६७ मा प्रकाशितअमेरिकी राष्ट्रपति बराक ओबामाले अमेरिकी सेनाले ठूलो काम गरेता अफगानीस्तानमा प्राप्त गरेको प्रगति सानो र सम्पूर्ण प्रक्रिया मन्द भएको बताउनुभयो। उहाँले हिजो अफगानीस्तानको बाग्लामस्थित अमेरिकी सैनिक अखडामा अफगानीस्तानस्थित अमेरिकी सेनासँग कुराकानी गर्दै उक्त कुरा भन्नुभएको हो।
साथै उहाँले अन्तमा अमेरिकी सेनाले अफगानीस्तानस्थित तालिवानलाई नियन्त्रण गर्न सक्ने विश्वास पनि व्यक्त गर्नुभयो।
थाहा भएअनुसार, राष्ट्रपति ओबामाले हिजै अफगानी राष्ट्रपति हामीद कार्जाइसँग भेट वार्ता गर्ने योजना रहेको तर हिजोको नराम्रो मौसमको कारणले उक्त भेट वार्ता रद्द गरिएको थियो। त्यसपछि राष्ट्रपति ओबामाले बाग्लाम सैनिक अखडाको आकस्मिक भ्रमण गर्नुभयो।
अन्य समाचारहरु
