देउखुरीमा एक वस चालकको गाडीभित्रै मृत्यु

 देउखुरीमा मंगलबार साँझ एक वस चालकको गाडीभित्रै मृत्यु भएको छ । रिहारवाट भालुवाङतर्फ जाँदै गरेको ना २ ख ५७५७ नम्वरको वसका चालक तुलसीपुर नगरपालीका ५ निवासी ५७ वर्षिय पदमबहादुर राणाको बसभित्रै मृत्यु भएको हो ।

पूर्व पश्चिम राजमार्ग अन्तर्गत सतवरियाको मैतनी खोला नजिकै पुग्दा राणा एक्कासी बेहोस भएका थिए । उपचारका लागि लमही ल्याउँदै गर्दा उनको वाटोमै मृत्यु भएको इलाका प्रहरी कार्यालय लमहीले जनाएको छ । उनको मृत्यु हृदयघातवाट भएको हुनसक्ने प्राथमिक स्वास्थ्य केन्द्र लमहीले जनाएको छ । गाडी रोकिएको बेला बेहोस भएकाले दुर्घटना हुन नपाएको प्रहरीले बताएको छ ।