अमेरिकाको मेरिल्याण्ड राज्यस्थित एक अमेरिकी शैन्य भर्ती केन्द्रलाइ विष्फोट गरी ध्वस्त पार्ने योजना बनाएको आरोपमा एक ब्यक्तिलाइ गिरफ्तार गरिएको छ। अमेरिकी न्याय मन्त्रालयका अनुसार बाल्टिमोर शहरमा सो ब्यक्तिलाइ स्टिंग अपरेसनको क्रममा अमेरिकी सुरक्षा अधिकारीरुले गिरफ्तार गरेका हुन्। सो ब्यक्ति मेरिल्याण्ड राज्यका २१ वर्षिय अन्टोनिओ मार्टिनेज भएको अधिकारीहरुले जनाएका छन्। सुरक्षा अधिकारीहरुका अनुसार उनलाइ मोहम्मद हूसेनको नामले पनि चिन्ने गरिन्छ।
गत महिना पनि सुरक्षा अधिकारीहरुले क्रिसमसको दिन ओरेगन राज्यमा बम विष्फोट गराउने षड्यन्त्र रचेको आरोपमा एक जना सोमालियाली मूलको १९ वर्षिय मोहम्मद ओस्मान मोहम्मद नाम गरेको व्यक्तिलाई पक्राउ गरेको थियो।
मंसिर २४ गते, २०६७ मा प्रकाशित
