इलामको फिक्कलमा मेची कोशी रेडियो पत्रकार समूहको गठन

विराटनगर  – इलामको फिक्कलमा सोमबार भएको रेडियो पत्रकारहरुको भेलाले बी एफएम विराटनगरका नेत्र पी अधिकारीको संयोजकत्वमा मेची कोशी रेडियो पत्रकार समूहको गठन गरेको छ ।

नव गठित समुहको सदस्यहरुमा रविन भट्टराई ताप्लेजुङ, सुरेश घिमिरे सुनसरी, आशा जगेबु पाँचथर, रञ्जीत राई झापा र अर्जुन राई धनकुटा रहेका छन् । भेलाले आगामी पुस ५ गते मेची कोशीमा कार्यरत रेडियो पत्रकारहरुको भेला गर्ने निर्णय समेत गरेका छ ।

भेलामा मेची र कोशीका ८ जिल्लाका २६ जना रेडियो पत्रकारहरुको सहभागिता थियो ।