डडेल्धुरा – बैतडी जिल्लाको सिलंगा गाविस-४ नेलकट्टे गाँउमा ८ खुट्टा, दुई टाउको र दुई ओटा पुच्छर भएको बाच्छो जन्मिएको छ । स्थानीय गजेन्द्रसिँह ऐरको घरमा पालिएको एक गाईले शुक्रबार आश्चार्यजनक बाच्छो जन्माएपछि बाच्छो हेर्न स्थानीय बासिन्दाहरुको भिड लागेको छ ।
जन्मिएको केहिबेर पहिले बाच्छोको मृत्यु भइसकेको भएपनि हेर्नेहरुको भिडभने घटेको छैन् । अचम्मको बाच्छो जन्माउने गाईलाई स्थानीय बुढापाखाहरुले धार्मिक विधि अनुसार पुजाआजा गर्नुपर्ने बताएका छन भने पशु चिकित्सकहरुले हार्मोनमा उत्पन्न हुने खराबीका कारण यस्तो बाच्छो जन्मिएको हुन सक्ने बताएका छन् ।
यस अघि पनि व्याएको सो गाईबाट असधारण किसिमको बाच्छो यसपाली मात्रै जन्मेको गाईधनी ऐरले जानकारी दिनुभयो ।
पौष ३ गते, २०६७ मा प्रकाशित
