क्रिसमस डे र नयाँ वर्षमा भारतको मुम्बइ र अहमदाबाद लगायतका प्रमुख शहरहरु र संवेदनशील क्षेत्रहरुमा आतंककारी आक्रमण हुनसक्ने खतरा रहेको भन्दै सुरक्षा ब्यवस्था कडा बनाइएको छ।
आतंककारी संगठन लस्करे ए तैबाका ४ सदस्य मुम्बइ प्रवेश गरेको र उनीहरुको उद्देश्य विनाश र हिंसा मच्चाउनुरहेको प्रहरीले खुलासा गरेको छ। मुम्बइ प्रहरीले ती ४ जनाको राष्टियताबारे पहिचान नभएकोले उनीहरु लस्करे ए तोइवा आबद्ध हुनसक्ने अनुमान गरेको हो। भारतिय प्रहरीका अनुसार आतंककारीहरुले हिन्दु धर्मालम्बकिो चाड दिपावलीमा पनि मुम्बइमा विनाशकारी आक्रमणको प्रयास गरेका थिए।
मुम्बइमा सन् २००८ मा भएको आतंककारी आक्रमणमा १ सय ६६ जनाको मृत्यु भएको थियो। प्रहरीले सर्वसाधारणलाई पनि आतंककारीको योजनालाई विफल तुल्याउन प्रहरीलाई सहयोग गर्न आग्रह गरेको छ। प्रहरीले आपतकालिन स्थिति वा सूचनाको लागि टेलिफोन नम्बर समेत जारी गरेको छ।
पौष १० गते, २०६७ मा प्रकाशित
