चरेस ओसार-पोसार गरिरहेको समयमा प्रहरीले २७ केजी चरेस सहित तीन जनालाई पक्राउ

बागलुङ – संचारमाध्यमहरुले जनाए अनुसार  चरेस ओसार-पोसार गरिरहेको समयमा प्रहरीले २७ केजी चरेस सहित  तीन जनालाई पक्राउ गरेको छ ।

बुर्तिवाङ देखि काठमाडौं तर्फ लग्दै गरेको समयमा ग्वालीचौरको खारा बजारबाट उक्त परिमाणको चरेस बरामद गरिएको प्रहरी निरीक्षक कृष्णप्रसाद अर्यालले बताए ।

लु १ ख ५९६५ नम्बरको यात्रु बसबाट उक्त परिमाणको चरेस लुकाएर काठमाडौं लैजाँदै गर्दा निसी ६ भल्कोटका ४० वर्षीय पूर्णबहादुर घर्ती र २१ वर्षीय धनबहादुर घर्ती तथा देविस्थान ५ का ४० वर्षीय होमबहादुर थापा पक्राउ परेका हुन् ।

पक्राउ परेका तीन जना र चरेस इलाका प्रहरी कार्यालय बुर्तिवाङका प्रहरी निरीक्षक वीरबहादुर पुलामीको नेतृत्वको प्रहरीले नियन्त्रणमा राखेको छ ।