सन् २०११ लाई विश्वका अधिकाशं देशमा विविध कार्यक्रमको आयोजना गरी मनाइयो

 

 

 

 

---

 

मानव अधिकारवादी संघ संस्थाहरुले इराकमा पछिल्लो समयमा हिंसामा कमी आएको बताएका छन्। यद्यपी उनीहरुले जारी गरेको प्रतिवेदनमा इराकमा प्रत्येक दिन औसस २ वटा बम विष्फोट हुने गर्दछ र एउटा बम विष्फोटमा ४ जना मानिसको मृत्यु हुने गर्दछ।

 

इराक बडी काउन्ट अर्थात् आइबिसि नामक संस्थाले इराकमा सन् २००९ यता हिंसामा १५ प्रतिशतले कमी आएको जनाएको छ। आइबिसिका अनुसार सन् २००९ यता अहिलेसम्म इराकमा भड्केको हिंसामा ४ हजार भन्दा कम मानिसहरुको मृत्यु भएको छ। यद्यपी सो संस्थाले इराकमा राजनीतिक अस्थिरता रहेमा हिंसा बढ्ने प्रचुर संभावना रहेको भनी चेतावनी समेत दिएको छ। आइबिसिले इराकमा राजनीतिक अस्थिरताको अवस्था बनेमा यसले भयानक रुप लिने र यसले वर्षौसम्म असर गर्ने जनाएको छ।

 

प्रतिवेदनका अनुसार गत वर्ष इराकमा भड्केको हिंसा र बम विष्फोटमा परी ३ हजार ९ सय ७६ जनाको मृत्यु भएको थियो।  यो वर्षको मानविय हताहतिको सम्बन्धमा आइ बि सि ले जारी गरेको प्रतिवेदनमा सबै भन्दा बढी मानिसहरुको मृत्यु  बम आक्रमणबाट भएको छ। यो वर्ष इराकको हिंसामा सवै भन्दा बढी राजधानी बगदाद र उत्तरी शहर मोसूल प्रभावित बनेको छ।

 

इराकमा सन् २००३ यता भड्केको हिंसामा ४ हजार ४ सय  ७० अमेरिकी नेतृत्वको गठबन्धन सेनाका जवान तथा अधिकारीहरुको मृत्यु भएको छ। आइ बि सिले सन् २००३ यता इराकमा भड्केको हिंसामा १ लाख ८ हजार ३ सय ९८ इराकीको मृत्यु भएको जनाएको छ। इराक सरकारद्धारा हिंसामा मृत्यु भएका इराकीहरुको संख्या भन्दा आइ बि सिको प्रतिवेदनमा समावेश सो संख्या निकै बढी हो।