पौष २० गते, २०६७ मा प्रकाशितदुई दिनसम्म संचालन भएको महाधिवेशनले तीनवर्षे कार्यकालको लागि अर्घाखाँचीका नरेन्द्रबहादुर थापाको अध्यक्षतामा ३३ सदस्यीय कार्यसमिति र ४ सदस्यीय सल्लाहकार रहेको केन्द्रीय कार्यसमिति चयन गरेको हो।जसको वरिष्ठ उपाध्यक्षमा सानोभाइ कार्की पूर्वान्चल,उपाध्यक्षमा पदम खड्का, मध्यमान्चलमा तुलसीनारायण श्रेष्ठ, पश्चिमान्चलमा यदुमणि गौतम,मध्य पश्चिमान्चलमा तारा बेल्बासे, सुदूर मान्चलमा महेन्द्रकुमार बस्नेत रहेका छन् ।
त्यसैगरी महासचिवमा चक्रपाणि पौडेल,सचिवमा कृष्ण गिरी,महिला सचिवमा कमला बन्जाडे,कोषाध्यक्षमा हरिप्रसाद भुसाल रहेका छन् । महाधिवेशनबाट १४ अचलबाट एकएक जना,निजी विद्यालयबाट एक जना,निवृत्त शिक्षक सदस्य १ र अन्य ७ सदस्य गरी ३३ सदस्यीय कार्यसमिति चयन भएको आइतबार बुटवलमा पत्रकार सम्मेलन गरी जानकारी दिइएको थियो ।
सम्मेलनले अस्थायी शिक्षकलाई प्रकि्रया पुरुयाएर स्थायी गरिनुपर्ने विद्यालय कर्मचरीका लागि अनुदान नभई दरबन्दी सिर्जना गरिनुपर्ने शिक्षक अस्पताल बनाउनुपर्ने लगायतका माग संघले अघि सारेको छ । त्यसैगरी संघले उमावि तहसम्म निःशुल्क शिक्षा विद्यालयको पहरुच बाहिर रहेका विद्यार्थीहरु विद्यालयमा भर्ना हुने वातावरण मिलाउनुपर्ने लगायतका शैक्षिक सुधारका मागहरु पनि अधिवेशनले अनुमोदन गरेको संघका अध्यक्ष नरेन्द्रबहादुर थापाले जानकारी दिए । अधिवेशनमा ४२ जिल्लाका १ सय ५१ जना प्रतिनिधि पर्यवेक्षकको सहभागिता रहेको थियो ।
अन्य समाचारहरु
