– भीम बहादुर बस्नेत
अर्घाखाँची,नेपाल
—————————————
जनताको आँखामा पर्दा लगाई
कती बुन्छौ नौलो नौलो सपना
कती गर्छौ मिठा मिठा कुरा
कतिन्जेल दिन्छौ झुठो आश्वासन
******** ******** ********
कती मार्छौ बलिको बोका बनाई जनता
कतिन्जेल चल्छ तिम्रो कालो शासन
“मेरै गोरुको बाह्र टक्का” मेरै कुरा सही
“लाटो देशको गाढा तन्नेरी” गर्छौ मिठा भाषण
********* ********* *********
कुरा होइन नेता ज्यु काम गरे र देखाऊ
हत्या,हिंसा र अपहरण बन्द गर गार्हो भो बाँचन
शान्ति स्थापना गर नेता ज्यु नाई भने होश गर
नेपाली जनता पछी पर्ने छैनन् तिम्रो ढाड भाँचन
******** ********** ***********
अशान्तिले सिमा नाघ्यो महंगीले आकाश छोइसक्यो
मिठा भाषण होइन नेता ज्यु मूल्य घटाई देऊ राशन
आत्मालाई सोध, छाती माथी हात राखी सोच
के यहि हो प्रजातन्त्र, के यहि हो जनताको शु -शासन
पौष २२ गते, २०६७ मा प्रकाशित
