भारतको ६२ औं गणतन्त्र दिवसको अवसरमा नेपालका विभिन्न संघसंस्थाहरुलाई २० वटा एम्बुलेन्स र ४ वटा बस उपहार प्रदान

बुधबार दूतावासमा आयोजित समारोहमा राजदूत राकेश सूदले उक्त एम्बुलेन्स तथा बस सम्बन्धित संस्थाहरुलाई हस्तानान्तरण गरे । सूदले भारतको राष्ट्रिय झण्डा फहराई भारतीय राष्ट्रपतिले दिएको सन्देश पढेर सुनाएका थिए ।

राजदूतले १७ जिल्लाका उपहार प्राप्त गर्ने संस्थाहरुलाई १६ वटा एम्बुलेन्स र ४ बस उपहार स्वरुप प्रदान गरे भने बााकी ४ एम्बुलेन्स वीरगञ्ज स्थित भारतीय महावाणिज्यदूत श्री आशुतोष अग्रवालले वीरगञ्ज महावाणिज्यदूतावासको क्षेत्र अन्तर्गत पर्ने संस्थाहरुलाई प्रदान गरे । समारोहमा राजदूतले नेपालका केही दुर्गम जिल्लाहरु लगायत विभिन्न स्थानमा रहेका ३६ शैक्षिक तथा तालिम संस्थानहरुलाई पुस्तकहरु समेत उपहार स्वरुप प्रदान गर्नुभयो ।भारतले सन् १९९४ देखि नेपालको ६८ जिल्लाका विभिन्न संस्थाहरुलाई ३ सय २ वटा एम्बुलेन्सहरु प्रदान गरिसकेको जनाएको छ ।