– भीम बहादुर बस्नेत
अर्घाखाँची, नेपाल
हाल दोहा कतार
——————————-
गन्तब्य बिनाको यात्री झैँ
हिंडीरहेछु गल्ली गल्ली भौतारी
आई पुगेछु यो मरुभूमिमा खोज्दै
थाकेको जिन्दगी बिसाउने चौतारी
****** ******* *******
महलमा रमाउने गरिन कल्पना
पेट भरी खान खोजे त्यो पनी पुगेन
कस्तो थियो र यो मनको चाहना
जो कहिल्यै पुरा हुन सकेन
****** ****** ********
जहाँ जान्छु त्यहीं दुख पाउँछु
मेरो गल्ती भनौ या कर्मको खेल
सन्ततीको उज्यल भबिस्य चाहन्छु
तर मेरो जिन्दगीमा किन भो झेल
******* ******* *******
मनका रहरलाई पोको पारी
जिउनु रहेछ जिन्दगी आशुं पिएर
दुख र सुखलाइ मनको कुनामा थुपारी
बाच्नै पर्ने फाटेको मन सिएर
१५ माघ २०६७
माघ १६ गते, २०६७ मा प्रकाशित
