फाल्गुन १० गते, २०६७ मा प्रकाशित
बारी बिग्रियो कुना कानी
छोरी गाउँमा हिदने बानी
भन्थे उहिले बुढा पाकाले
छोरा बिग्रियो जानी जानी
नानी देखीको बानी हजुर
म त पिउँछु छानी छानी
तेजे, बिरे अनगिन्ती नाम
हेर्दा दुरुश्त सङ्लो पानी
मासु , चटनी साथी चाहिने
चुरोटको धुवा तानी तानी
सोध्छे के चाहियो मस्की मस्की
भत्टि पसल कि सानी नानी
ऊ सँग जिस्किएर पीइयो
रक्सी , सरी धाराको पानी
मात्तियर उसलाई समाउँदा
झन्डै भैइयन् जेल चलानी
कैयौं पल्ट बाटो मै सुतियो
यो रक्सीको जातै बेइमानी
लौन बताई दिनुहोस उपाय
धरापमा पर्यो जिन्दगानी
