पूर्व हलिउड अभिनेत्री जेन रसेलको ८९ वर्षका उमेरमा क्यालिफिोर्नियास्थित निजि निवासमा निधन भएको छ। हलिउड चलचित्र उद्योगमा ठूलो चर्चा कमाएकी रसेललाइ सेक्स सिम्बोलको उपनामले पनि चिन्ने गरिन्थ्यो। उनले सन् १९५० को दशकमा थुप्रै अमेरिकी चलचित्रहरुमा अभिनय गरेकी थिइन। सो सयममा उनले अभिनय गरेका चलचित्रहरुलाइ दर्शकहरुले खुवै मन पराउने गर्दथे। अझैपनि उनले अभिनय गरेका सन् १९५० को दशकका चलचित्रहरुलाइ अमेरिका लगायत विश्वका अन्य चलचित्रप्रेमीहरुले रुचाएर हेर्ने गरेको पाइएको छ।
रसेलले सन् १९४८ मा द पेलफेस नाम गरेको चलचित्रमा काम गरे पछि एकाएक चर्चामा आएकी थिइन। सोही चलचित्रपछि उनले ठूला बजेटका चलचित्रहरुमा काम गर्ने मौका पाएकी थिइन्। द पेलफेसमा नायक बब होपसँगको रसेलको अभिनयलाइ सो समयका दर्शकहरुले जीवन्त अभिनयको रुपमा लिने गरेका छन्। उनको अभिनयमा यौन उत्तेजना पनि झल्किने हुनाले उनी समय समयमा आलोचित बन्दै आएकी थिइन्।
यसैगरी अमेरिकाका प्रथम विस्वयुद्धका जिवित अन्तिम सेनानी फ्रान्क बकल्सको ११० वर्षको उमेरमा वेस्ट भर्जिनियामा निधन भएको छ। १६ वर्षको उमेरमा बकल्स सन् १९१७ मा अमेरिकी सेनामा भर्ती भएका थिए।
फाल्गुन १७ गते, २०६७ मा प्रकाशित
