लिवियामा मोहम्मर गद्याफीका फौजले विपक्षी नियन्त्रीत क्षेत्र जाविया शहर लगायत विभिन्न इलाकामा भिषण हवाइ आक्रमण गरेको छ।
गद्याफी समर्थक फौजका पचास वटा ट्याङ्क र एक सय वीस पिक अप गाडिहरुले राजधानी त्रिपोली देखि पचास किलोमिटर टाढा रहेको विपक्षी नियन्त्रीत इलाकामा आक्रमण गरेको अर्न्तराष्ट्रिय सञ्चार माध्यमहरुले जनाएका छन्।
यद्यपी आक्रमणमा परी हताहतीको सख्या भने यकिन हुन सकेको छैन। गद्याफि फौजले विद्रोहीको नियन्त्रणमा रहेको तेल बन्दरगाह रास लनुफ नजिकका आवसीय क्षेत्रमा युद्ध विमानद्धारा क्षेप्यास्त्र आक्रमण गरेको बताइएको छ।
गद्याफी फौजले विपक्षी नियन्त्रीत क्षेत्रमा सेनाले महत्वपुर्ण जित हासिल गरेको दाबी गरेको छ।
फाल्गुन २६ गते, २०६७ मा प्रकाशित
