चैत्र ५ गते, २०६७ मा प्रकाशितपाल्पा, चैत्र ५ – वुटवलबाट अर्घाखाँचीको ढाडमैदान जाँदै गरेको जीप पश्चिम पाल्पामा शुक्रबार राति भएको दुर्घटनामा एक जना वृद्धाको मृत्यु भएको छ । दुर्घटनामा १५ जना घाइते भएका छन् ।
तानसेन-छहरा सडक अन्तर्गतको मुझुङ-४ कटौजेपानी, भालुखानमा लु १ ज १३३९ नम्वरको जीप दुर्घटनामा परी अर्घाखँाचीको पटौटी-७ की ७१ वर्षीया प्रेमकला भट्टराईको मृत्यु भएको हो । उनको उपचारका लागि तानसेन ल्याउने क्रममा मृत्यु भएको जिल्ला प्रहरी कार्यालय पाल्पाले जनाएको छ ।
दुर्घटनामा घाईते मध्ये ७ जनाको मिसन अस्पतालमा उपचार भइरहेको छ भने ८ जनाको लुम्विनी मेडिकल कलेज प्रभासमा उपचार भएको प्रहरीले जनाएको छ । सिमेन्ट, छड जस्ता सामाग्रीसँगै १६ यात्रु बोकेको जीप कच्ची सडकबाट १ सय ५० मिटर तल खसेको छ ।
पुरानो सवारी साधन र अत्यधिकलोडको कारण दुर्घटना भएको प्रहरीले अुनमान गरेको छ । घटनामा परी घाइते हुनेहरुमा सबै अर्घाखाँची पटौटीका रहेको प्रहरीले जनाएको छ ।
पाल्पा बाट सहयोगी माधव अर्याल को रिपोर्ट
अन्य समाचारहरु
