दक्षिणी सिरियाको दारा शहर, डमास्कस प्रान्त, उत्तरी सिरियाको लाताकिया शहर तथा होमस शहरमा ठूलो जूलूस प्रदर्शनी गरिएको छ। यसमा परी कम्तीमा पनि बीस जनाको ज्यान गएको छ।
सिरिया समाचार समितिले सिरियाको गृह मन्त्रालयका प्रवक्ताको वक्तव्यलाई उद्धृत गर्दै बताएअनुसार, दारा शहरमा जनसाधारण हिजै दारा शहरको केन्द्रीय क्षेत्रमा भेलाका लागि जाँदा सशस्त्र शक्तिका केही तत्वले तिनीलाई प्रहार गरेका थिए। यसमा केही जन-साधारण, सुरक्षामा खटिएका व्यक्ति तथा प्रहरीको ज्यान जानुका साथै दशौं घाइते भएका छन्।
होमस शहरमा सयौं जनाको जूलूस प्रदर्शनी भएको छ। एक समूहका व्यक्तिले प्रहरीको गाडीलाई आगो लगाई ध्वस्त पार्नुका साथै प्रहरी तथा सुरक्षाकर्मीलाई गोली हानेका थिए। आफ्नो अनुहारमा मास्क लगाएको अर्को समूहका व्यक्तिले मोटर चलाउँदै सडकमा हिँडेका सर्वसाधारणलाई अन्दाधुन्ध गोली प्रहार गरेको थियो। यसमा धेरै जना घाइते भएका छन्।
चैत्र २७ गते, २०६७ मा प्रकाशित
