नयाँसालको पुर्वसन्द्यामा बेलबारी स्थित मालपोत कार्यालयमा प्रेसर कुकर बम विष्फोट भएको छ।मोरङ बेलबारी स्थित मालपोत कार्यालय परिसरमा आज बिहान प्रेसर कुकर बम विष्फोट भएको हो।
कार्यालय परिसरमा करिब तीन लिटर क्षमताको प्रेसर कुकर बम विष्फोट गराइएको प्रहरीले जनाएको छ।बिहान साँढे ३ बजे करिब २ सय मिटर परसम्म तार गाँसेर गराइएको विष्फोटबाट नक्सा फाँटमा सामान्य क्षति भएको जनाइएको छ ।
त्यसअघि ३ बजेतिर सुनसरीको इटहरीस्थित अञ्चल यातायात कार्यालयमा यस्तै बम विष्फोट गराइएको थियो । विष्फोट गराइएको स्थानमा खम्बुवान मुक्तिमोर्चाको पर्चा फेला परेको छ ।
चैत्र २८ गते, २०६७ मा प्रकाशित
