झापाको दुवागढीमा एक १४ वर्षीय किशोरको भुँडीमा गोली हानी हत्या

काँकडभिट्टा  – शुक्रवार साँझ झापाको दुवागढीमा एक किशोरको गोली हानी हत्या भएको गरिएको छ ।

दुवागढी ३ स्थित चारआली चन्द्रगढी जोड्ने मेची राजमार्गमा गोली प्रहारवाट दुवागढी १ का १४ वर्षीय मौसम राजवंशीको हत्या  भएको जिल्ला प्रहरी कार्यालय झापाले जनाएको छ । उनलाई छिमेकी कमल विकले भुँडीमा गोली हानेको र  राजवंशीको घटनास्थलमै मृत्यु भएको झापाका एसपी रविन्द्र शर्माले जानकारी दिए । अभियुक्त विक गोली प्रहार गरी घटनास्थलमै वन्दुक छाडेर फरार भएका कारण विकले राजवंशीको हत्यामा भरुवा वन्दुक प्रयोग गरेको देखिन्छ ।

उनी नजिकैको चारआली वन क्षेत्रवाट शिकार गरेर आएको प्रहरीको अनुमान छ । हत्याको कारणवारे अनुसन्धान बाँकी रहेको प्रहरी भनाई छ । अभियुक्तको खोजी तीव्र पारिएको छ ।