भक्तपुर – ललितपुरमा बसको ठक्करबाट दुई जनाको मृत्यु

काठमाडौं –  भक्तपुरको झौखेल-७ डोकोचामा शनिबार गाडीको ठक्करबाट पैदल यात्रुको मृत्यु भएको छ। बा२ख ४३८१ नम्बरको गाडीले बिहान ११ बजेतिर मंगलाछेका ७५ वर्षे आशालाल सादालाई ठक्कर दिएको थियो। उनको उपचारका क्रममा भक्तपुर अस्पतालमा मृत्यु भएको प्रहरीले जनाएको छ।

शनिबारै ललितपुरमा माइक्रोबसबाट खसेर एक यात्रुको मृत्यु भएको छ। गोदावरी-१ टौखेलमा बा.१ज. ५८३१ नम्बरको माइक्रोबसबाट खसेका यात्रुको पाटन अस्पताल लैजाँदै गर्दा बाटैमा मृत्यु भएको थियो। उनको परिचय खुल्न नसकेको प्रहरीले जनाएको छ।