आफ्नै पतिको पन्यु प्रहार गरी हत्या

मकवानपुर – आफ्नै पतिलाई पन्यु प्रहार गरी मारेको अभियोगमा खैराङ्ग गाविस-६ की ५१ वर्षीया सुनमाया स्याङतानलाई प्रहरीले पक्राउ गरेको छ।

जेठ ५ गते ६० वर्षीय आफ्नै पति राम स्याङतानलाई आपसी विवादमा झै-झगडा हुँदा पन्युले टाउकोमा प्रहार गर्दा घटनास्थलमै मृत्यु भएको प्रहरीले जनाएको छ। हत्यापछि सोही दिन स्थानीय अन्य २ जनाको सहयोगमा लासलाई भीरबाट खसाली भीरबाट लडेर मरेको भनी उनले दाहसंस्कारसमेत गरेकी थिइन्।

 घटनबारे उनकै देउरानी पर्ने दिल कुमारी स्याङतानले जेठ १४ गते प्रहरी चौकी कान्द्राङमा जानकारी गराउनासाथ प्रहरीले उनलाई पक्राउ गरेको थियो।

प्रहरीले लासलाई भीरबाट खसाल्ने व्यक्तिहरुको खोजतलास गर्नुका साथै यस सम्बन्धमा आवश्यक थप अनुसन्धान गरिरहेको जनाएको छ।