आषाढ़ २३ गते, २०६८ मा प्रकाशित
– उमाकान्त पाण्डे ‘गाउंले’
युवा गजलकार दिनेश आचार्य ‘मन्डु’ र माइनस प्लस संग्रौला द्वारा लिखित सयुक्त गजल सङग्रह ‘प्रवासका दुई फूल’ यूएईमा बिमोचन हुने भएको छ।
अन्तराष्ट्रिय नेपाली साहित्य समाज यूएई च्याप्टरको प्रकाशनमा प्रकाशित सो सग्रंह लाई १९८ औं भानुजयन्तीको अवसरमा एक कार्यक्रमका बिच बिमोचन गर्न लागिएको हो।
अन्तराष्टि्य नेपाली साहित्य समाज तथा विश्र नेपाली साहित्य महासंघ यूएई च्याप्टरले सम्युत्त रुपमा भानुजयन्ती मनाउन आयोजित कार्यक्रममा कृति बिमोचन गरिने भएको हो।
जुलाई १५ का दिन दुवईको एभरेष्ट होटलमा दिनको ३ बजे देखी हुने भानु जयन्ती कार्यक्रममा साहित्यकार द्धय माइनसप्लस र मंडु द्धारा सम्पादित संयुक्त गजल संग्रह विमोचन हुने जनाईएको छ।
सो साहित्यिक कार्यक्रममा यूर्एइमा रहेका सम्पूर्ण साहित्यकार तथा साहित्य अनुरागीहरुलाई उपस्थित हुनकोलागि अनेसास तथा विनेसाम यूएईले हार्दिक अनुरोध गरेको छ भने गजलकार द्वय द्वारा प्रेसित पत्रमा आफ्नो कलमको पहिलो सम्युत्त गजल सग्रंलाई प्रेरणा दिन भएपनि कार्यक्रममा उपस्थित हुन सबैलाई अनुरोध गरिएको छ।
