सुनसरीमा ७३ वर्षीय बृद्धको बिभत्स हत्या

इनरुवा, सुनसरी – सुनसरीको प्रकाशपुर गाविस ७ गडेरी टोलका ७३ वर्षीय
बृहस्पति पाललाई अज्ञात समूहले हत्या गरेको छ । प्रहरीका अनुसार शुक्रवार बेलुकी
धारिलो हतियार प्रहार गरि बृद्ध पालको हत्या गरिएको हो । घरमा एक्लै बस्दै आएका
उनको हत्याबारे स्थानीय र प्रहरीले शनिवार अबेर मात्र थाहा पाएका हुन् ।

उनको घाँटी, छाती, कन्चट र पेटमा चोट देखिएको छ भने कानसमेत काटिएको प्रहरीले
जनाएको छ । पालका दुई छोरामध्ये एकजना रोजगारीमा साउदी अरबमा छन् भने अर्का छोरा
१५ दिनअघि मात्र कमाउनका लागि भारतको दिल्ली गएका थिए ।

सामान्य आर्थिक अवस्थाका बृद्ध पाल भेडा चराउने काम गर्दै आएका थिए । विपन्न
परिवारका बृद्धको हत्याको अनुसन्धान थालिएको जनाए पनि प्रहरीले कसैलाई पक्राउ गर्न
सकेको छैन ।