विदेश पठाइदिने प्रलोभन देखाई ठगी गर्ने पक्राउ

नवलपरासी । विदेश पठाइदिने प्रलोभन देखाई ठगी गर्ने एक जनालाई पीडितहरुले पक्राउ गरेर प्रहरीलाई बुझाएका छन् । कास्की घर भई नवलपरासीको कावासोती बस्ने घनश्याम पौडेललाई पीडितले समातेर इलाका प्रहरी कार्यालय गैडाकोटमा बुझाएका हुन् । पौडेलले सिन्धुपाल्चोक घर भई हाल पोखरा बस्दै आएका डिलबहादुर श्रेष्ठ, उमाकान्त बराल, रामजी प्रसाद बराल, राजमान गुरुङ र गौतम कार्की संग २१ लाख रुपैया ठगी गरी आठ महिनादेखि फरार भएका थिए ।

पीडितहरुका अनुसार पौडेलले साइप्रस पठाउने भन्दै नक्कली भिसा देखाई प्रतिव्यक्ति ७ लाख रुपैयांको दरले ६ जनासँग २१ लाख असुली गरी एक बर्षदेखि फरार भएका थिए । पक्राउ परेका पौडेल अहिले इलाका प्रहरी कार्यालय गैडाकोटमा रहेका छन् । उनको बारेमा अनुसन्धान भईरहेको गैडाकोट प्रहरीले जनाएको छ ।