श्रावण ३ गते, २०६८ मा प्रकाशितकाठमाडौ। गत सालको साहित्य सन्ध्या पुरस्कार तथा सम्मान सिन्धुपाल्चोलका साहित्यकार जगन्नाथ आचार्यलाई प्रदान गर्ने निर्णय साहित्य सन्ध्याले गरेको छ ।
डा. जीवेन्द्रदेव गिरीको संयोजकत्वमा शान्ता मानवी र देवी नेपाल सदस्य रहेको स्रष्टा चयन समितिले सो सिफारिस गरेको हो ।
मोफसलमा रहेर नेपाली प्रगतिवादी साहित्य र राजनीतिका माध्यमबाट वनारसकालदेखि नै सामाजिक रुपान्तरणका पक्षमा सिङ्गो जीवन समर्पण गरेका साहित्यकार एवम् सामाजिक रुपान्तरण अभियानका अभियन्ता आचार्यलाई उहाँले गरेको योगदानको सम्मान गर्दै पुरस्कार दिन लागिएको हो ।
ताम्रपत्रसहित रु. दस हजार राशिको उक्त पुरस्कार सन्ध्याको आगामी भदौ महिनामा हुने वार्षिक विशेष समारोहमा अर्पण गरिने उपाध्यक्ष रमेश पोखरेलले जानकारी दिनुभयो ।
