– जीवन्त विरही
सगरमाथा म.म सेन्टर
पसिना कति बगाउछौ वीर नेपाली
ताबुक सिमेन्ट बालुवा र बेल्चा उचाली
रगतका भलहरु कति बगाउँछौ वीर नेपाली
बारुद र बमका धुँवाहरुमा होली खेली ॥
पसिना र रगत बगाउँने वीर नेपालीहरु
धन मान सान र इज्जत कमाउँने सबै अरु
खै कहिले जान्ने र बुझ्ने हो पूँजीका खेलहरु
जहिले पनि भिरेका छौ पैसा र पूँजीका नेलहरु
सम्पतिकै लोभमा परेर देश घर परिवार छोडेर
विदेशीको गल्ली गल्ली हिडेका छौ बगैचा गोडेर
नेपाल आमाले भन्दै छ म त उजाड भैसके
तिमीहरुको हेलाले म त चाउरी परेर गैसके
अझै पनि फर्कन्नौ भने मेरो अस्तित्व गुम्ने छ
यहाँ नेपाली वीरहरु होईन अरु नै आई रम्ने छ
तिमी नेपाल आमाको सच्चा सपुत हांै भन
भो अव फर्क नेपाल आमाको अस्तित्व गुम्न नदिन
धन्यवाद
श्रावण ९ गते, २०६८ मा प्रकाशित
