श्रावण ९ गते, २०६८ मा प्रकाशितविश्व स्वास्थ्य संगठनले आगामी दश वर्षमा दक्षिण एशियाली मुलुकहरुमा हेपाटाइटिसका
कारण ५० लाख मानिसको मृत्यु हुन सक्ने भन्दै चिन्ता व्यक्त गरेको छ ।
दक्षिण र
दक्षिण पूर्वी एशियामा हेपाटाइटिस्को रोगबाट बालबालिका बढी प्रभावित हुने संगठनको
भनाई छ । पछिल्लो दशकमा दक्षिण एशियामा हेपाटाइटिसका कारण मर्नेहरु मेलेरिया, डेंगी
र एड्सबाट मर्नेहरुको कुल संख्या भन्दा बढी पाइएको छ । गत वर्ष करिब २ करोड ९० लाख
मानिस हेपाटाइटिसबाट संक्रमित भएका थिए जबकी एड्स संक्रमितको संख्या ३ लाख ५० हजार
थियो ।
हेपाटाइटिस्को बढ्दो खतरालाई ध्यानमा राखी यो रोग विरुद्ध प्राथमिकताका साथ
खोप लगायतका अभियान सञ्चालन गर्न विश्व स्वास्थ्य संगठनले दक्षीण एशियाली
राष्ट्रहरुलाई आग्रह गरेको छ । दुषित खाना र फोहोर पानीको प्रयोग तथा रोग प्रतिको
अज्ञानताका कारण हेपाटाइटिस फैलिएको विश्व स्वास्थ्य संगठनको भनाई छ । संगठनले
आगामी विहिबार विश्व हेपाटाइटिस दिवस मनाउने तयारी गरिरहेको छ ।
अन्य समाचारहरु
