बेलायत स्थित उत्तरी लण्डनको टोटनह्याममा प्रहरीले २९ वर्षिय युवक मार्क डगनलाई गोली हानी मारेको घटनालाई लिएर प्रहरी र प्रदर्शनकारीबीच व्यापक झडप भएको छ ।
झडपका कारण जनजीवन प्रभावित भएको छ । प्रदर्शनकारीले प्रहरी माथि पेट्रोल बम प्रहार गर्नुका साथै प्रहरी भ्यान , वस र भवनहरुमा आगो लगाएका छन् । अग्नी नियन्त्रकहरु पनि प्रदर्शनकारीको निशानामा परेका छन् ।
कयौ प्रहरी अधिकृतलाई अस्पताल भर्ना गरिएको छ भने अरु धेरै घाइते भएका छन् । पसलहरुमा लुटपाट मच्चिएको जनाइएको छ । प्रहरी चौकी अगाडि भेला भएकाहरुले आफुहरुले न्याय पाउनु पर्ने बताएका छन् ।
तर अधिकारीहरुले भने घटनाबारे सत्य तथ्य पत्ता लगाउन पहिला शान्त रहनु आवश्यक भएको बताएका छन् । प्रहरीले डगनको हत्या बारे अनुसन्धान शुरु गरिएको जनाएको छ ।
श्रावण २२ गते, २०६८ मा प्रकाशित
