– प्रेमनारायण आचार्य
अर्घाखाँची २५ साउन । जिल्ला शिक्षा कार्यालय अर्घाखाँचीले एसएलसी मौका परिक्षामा परिक्षाको मर्यादा विपरित काम गरेको भन्दै ३६ जना परिक्षार्थीलाई निष्कासन गरेको छ ।
अर्घाखाँचीको भगबती उच्च माबि केन्द्रबाट १९ जना जनज्योती उच्च माबि केन्द्रबाट ११ जना र अर्घाखाँची आबसीय उच्च मावी केन्द्रबाट ६ जना परिक्षार्थीहरु गरि ३६ जना परीक्षार्थी निष्कासन गरिएको जिल्ला शिक्षा अधिकारी मित्रमणी खनालले जानाकारी दिए ।
परिक्षाको मर्यादा माथी गएर काम गरिएको अवस्था भेटाएपछि आजको गणीत बिषयको परिक्षाबाट ३६ जना परिक्षार्थीलाई निष्कासन गरिएको खनालले बताए ।
परिक्षा सञ्चालन हुन भन्दा १ हप्ता अगाडी देखी र परिक्षा हलमा प्रवेश गरेपछि पनि परिक्षार्थीलाई सचेत गराईएको भएपनि नियमको कुनै वास्ता नगरेकाले निष्कासन गरिएको कार्यालय जनाएको छ ।
श्रावण २५ गते, २०६८ मा प्रकाशित
