आश्विन २१ गते, २०६८ मा प्रकाशितकाबुल – अफगानिस्तानको पूर्वी प्रान्त पाक्टिकामा नेटो सेनाले गरेको कारबाहीका क्रममा परी कम्तीमा पनि २५ जना हतियारधारी लडाकूको मृत्यु भएको समाचार छ ।
सन् २००९ पछि गरिएको यस्ता आक्रमणका क्रममा भएको कारबहीमा यतिधेरै सैनिक एकैपटक मारिएको यो पहिलो पटक हो ।
शुक्रबार राती नै पाकिस्तानको सीमाक्षेत्र नजिकै अमेरिकी सैनिकको समन्वयमा सो आक्रमण गरिएको र यसका क्रममा दोहोरो भिडन्त पनि भएको समाचारमा जनाईएको छ ।
सन् २००१ मा अफगानिस्तानमा भएको अमेरिकी आगमनको दशौं वार्षिकी मनाइरहेको बेला पाकिस्तान र अफगानिस्तानको सीमा क्षेत्रमा सैन्य गतिविधिहरुलाई तिब्र पारिएको समाचारका आधारमा सो हमला गरिएको थियो ।
आक्रमणका क्रममा सैनिकतर्फ भने कुनै क्षति पुगेको छैन । सो घटनास्थलबाट करिब ३०० मीटर टाढा गराएको एक कारबम हमलाका क्रममा एकजना सैनिक घाइते भएको नेटो सैन्य प्रवक्ताले जनाएका छन् ।
सो पाक्टिका क्षेत्रको गर्माेइल, सारोबी र बारमालमा भएको हवाइ आक्रमणका क्रममा २५ जना हतियारधारी लडाकू मारिएको समाचारमा उल्लेख छ ।
तर मारिएको लडाकूको बारेमा थप हताहतीको पनि समाचार आउन सक्ने पनि सैन्य प्रवक्ताले जनाएका छन् । अफगानिस्तानको पूर्वी प्रान्त विषेशगरी अफगानिस्तानमा जारी हत्या हिंसाको एक प्रमुखस्थल हो । रासस/एएफपी
अन्य समाचारहरु
