लिवियाका अपदस्थ राष्ट्रपति कर्णेल मुअम्मर गद्धाफीका छोरा मुतासिम गद्धाफीलाई पक्राउ गरिएकोसम्बन्धि परस्पर विरोधी खबरहरु प्राप्त भएका छन् । राष्ट्रिय अन्तरिम परिषदसँग संलग्न केही व्यक्तिले मुतासिमलाई सिर्त शहरमा पक्राउ गरेको दावी गरेका छन् ।
यद्यपि, उनीहरुले यो खबरको पुष्टी भने गर्न सकेका छैनन् । बेनगाजीमा रहेका अधिकारीहरुले खबर पुष्टी नगरेपनि खुशीयाली मनाएको जनाइएको छ । गद्धाफीको मूख्य पकड क्षेत्र मानिएको सिर्त शहरको धेरैजसो क्षेत्र कब्जामा आइसकेको पनि अन्तरिम परिषदआवद्ध अधिकारीहरुले दावी गरेका छन् । यसअघि पनि गद्धाफीका छोरा सैफ अल इस्लामलाई पक्राउ गरिएको खबर आएपनि पछि गलत सावित भएको थियो ।
आश्विन २७ गते, २०६८ मा प्रकाशित
