भुटानका राजा जिम्मे खेसार नाम्गेल वाङचुकको राजधानी थिप्पुमा विवाह सम्पन्न भएको छ । बेलायतमा अध्ययन गरेका ३१ वर्षे राजा वाङचुकले सामान्य भुटानी नागरिक जेट्सन पेमासंग विवाह गर्नुभएको हो ।
२१ वर्षिया विद्यार्थी जेट्सन विमान चालककी छोरी हुनुहुन्छ । भुटानको पुरानो राजधानी पुनखास्थित १७ औं शताब्दीको गुम्बामा बौद्ध परम्परा अनुसार करिब १ घण्टा भित्र वैवाहिक कार्यक्रम सम्पन्न भएको थियो । राजा वाङचुकले तीन वर्ष अघि मात्र गद्धी सम्हाल्नु भएको थियो ।
संवैधानिक राजतन्त्र र संसद स्थापना गर्दै उहांका बुबा जिम्मे सिंगे वाङचुकले उहांलाई गद्धी सुम्पनु भएको थियो । भुटानका चौथो राजा जिम्मे सिंगे वाङचुकले धनी परिवारका ४ दिदीवहिनीसंग विवाह गर्नुभएको थियो । करिब ७ लाख जनसंख्या रहेको भुटानमा राजा वाङचुक लोकप्रिय मानिनुहुन्छ ।
आश्विन २७ गते, २०६८ मा प्रकाशित
