कार्तिक १५ गते, २०६८ मा प्रकाशित– बिरेन्द्र केसी
अर्घाखाँची, कार्तिक १४ – बच्चा जन्मिएर घर फर्कंदै गर्दा उच्च रक्तस्रावका कारण सुत्केरी महिलाको बाटोमै ज्यान गएको छ । जिल्लाको जलुके गाविसको जुवाकोट गाउँकी १९ वर्षीया तारा पुलामीको ज्यान गएको हो ।
शनिवार दिउसो प्राथमिक स्वास्थ्य केन्द्रमा बच्चा जन्माएपछि आइतवार घर जाने क्रममा घर नजिकै पुग्दा अध्यधिक रक्तस्राव भएपछि बाटोमै ज्यान गएको स्थानीय विष्णु आलेले बताए । स्वास्थ्यक केन्द्रमा छँदा सुत्केरीको अवस्था राम्रो भएपनि घर लैजादा बाटोमै ज्यान गएको बताए । जन्मिएको छोरा भने शकुसल नै छन् । स्वास्थ्य केन्द्रबाट घर लैजान करिब १० घण्टा लाग्ने भएकाले सुत्केरीलाई डोकोमा बोकेर लैजादै गरिएको थियो ।
पुलामीको घरमा बृद्ध बुवाआमा मात्रै भएको र श्रीमान् रोजगारको लागि तीन महिनादेखि भारत गएकाले शिशुलाई गाउँले महिलाहरुले भैंसीको दुध खुवाएर बचाएका छन् ।
अन्य समाचारहरु
