– प्रेमनारायण आचार्य
अर्घाखाँची २४ कात्तिक । जिल्ला स्थित अनुगमन समितिले अनुगमनको समयमा बरामद गरेका औषधीहरु तथा अखाद्य पदार्थ आज नष्ट गरिएको छ ।
अनुगमनको क्रममा अनुगमन समितिले बरामद गरेका मुल्य सुची नलेखिएका म्याद नाघेका अखाद्य बस्तु आज जिल्ला प्रशासन कार्यलयमा नस्ट गरिएको हो ।
नस्ट गरएका र बरामद गरिएका खाद्य पदार्थमा औषधी तेल कोकाकोला स्प्राईट, मिठाई, बिस्कुट, च्याउच्याउ लगायतका रहेका छन् ।
पहिलो पटक भएकाले अखाद्य पदार्थ नस्ट मात्र गरिएको र अब ब्यपारीले अखाद्य पदार्थ बेचेमा कानुन अनुसार कारबाही गरिने प्रमुख जिल्ला अधिकारी केसबराज घिमिरले बताउनु भयो ।
जनताको स्वास्थ्य माथी कसैले पनि अखाद्य बस्तु बेचेर खेलबाड गर्न नहुने र सबैले खान योग्य मात्र खाद्य पदार्थ मात्र बेच्न पर्ने उद्योग बाणिज्य संघका उपाध्यक्ष अशोक श्रेष्ठले बताउनु भयो ।
जिल्ला प्रशासन कार्यलय प्रहरी उद्योगी ब्यपारी र संचारकर्मिको रोहबरमा अनुगमनको क्रममा बरामद गरिएका झण्डै ५ लाख मुल्य बराबरका सामाग्री नस्ट गरिएको हो ।
Copyright 2011 Arghakhanchi.Com. All rights reserved. This material may not be published, broadcast, rewritten or redistributed.
कार्तिक २४ गते, २०६८ मा प्रकाशित
