गाउँ-गाउँमा ब्रोइलर कुखुराका फर्म

 
अर्घाखाँची –  गाउँको टोलैपिच्छे ब्रोइलर कुखुराका फर्म खुल्ने क्रम जिल्लामा बढदो छ । ब्रोइलर कुखुरा पालनबाट राम्रो आम्दानी भएपछि क्रखुरा पाल्नेको संख्या हवात्तै बढेको हो ।  जिल्लाको अधिकाश गाउँको टोलैपिच्छे फर्म खोलेर ब्रोईलर क्रखुरा पाल्ने बढिरहेका छन । 

  पछिल्लो पटक कुखुरापालन गर्ने टोलैपिच्छे देखिएका छन । ब्रोइलर कुखुरापालन बढदै गएपछि स्थानीय गाउँघरमा पालिदै आएका लोकल कुखुरापालन घटदै गएको छ । ब्रोइलर ४५ दिनमै तीन चार किलोसम्म तयार हुने तर घरायसी लोकल कुखुरा ब्रोइलर बराबरको तैाल बराबर पुग्न तीन चार महिनामा लाग्ने भएकाले गाउँका टोलैपिच्छे फर्म खोलेर ब्रोइलर कुकखुरापालनको सख्यामा वृद्धि भएको हो ।

अर्घाखाँची जिल्लाको शहर क्षेत्रका आपसासका गाउँमा टोलैपिच्छे फर्म खोलिएका छन भने विकट र दुर्गम गाउँमा पनि कुखुरा पाल्ने किसानको सख्या बाक्लिदै गएको छ । तीन वर्षयता जिल्लामा ब्रोइलर कुखुरा बढी उत्पादन भएपछि जिल्ला बाहिर समेत निकासी हुन थालेको छ । गाउँमा खोलिएका कुखुराका फर्ममा कम्तिमा पनि ५० देखी पाँचसय सम्म पालेका छन । सदरमुकाम देखी गाउँमा समेत ब्रोइलर कुखुराको माग बढदै गएपछि कुखुरापालन किसान उत्साहित भएका छन । धेरै उत्पादन भएपनि मुल्य भने बढदै गएको छ । हाल जिउदो कुखुरा एक सय ४० रुपैयाँ भन्दा बढी मुल्यमा फर्मबाटै बिक्री भएको छ भने व्यापारीले काटेको मासु किलोको २ सय ४० रुपैयाँमा बिक्री गर्दै आएका छन । घरमा पलिदै आएको जीउँदो लोकल कुखुरा भने किलोको चार सय भन्दा बढी छ । ब्रोइलर करिब डेढ महिना भित्रमा तीन चार किलोसम्म वजनको हुने भएकोले लोकल कुखुरा पाल्न छाडेर किसान ब्रोइलरतर्फ आकर्षित भएका छन । दुई वर्ष यता जिल्लामा ब्रोइलर कुखुरा उत्पादनमा बृद्धि भएको हो । ब्राइलर कुखुराको फर्मबाटै किसानले मनग्य आम्दानी लिएका छन ।

 

अधिकाश किसानले वार्षिक ७० देखी ३ लाख रुपैयाँसम्म आम्दानी गरिरहेका छन । खनका बसन्त खडकाले  करिब एक सय ८० वटा कुखुरा फर्ममा पालेका छन । गाउँमा भन्दा सहरमा कुखुराका फर्म खोलेर पाल्दै आएका किसानले दोब्बर कमाउदै आएका छन । एउटा सानो जग्गामा फर्म बनाएर सयौ कुखुरापाल्न सकिने भएकाले कुखुरापालनमा वृद्धि भएको हो ठुलापोखराका कुखुरापालक श्याम पाण्डेले भने दुई वर्षदखी ब्रोइलर पाल्दै आएको छु वार्षिक रुपमा एक लाख २० हजारको सेरोफेरोमा कमाई हुदै आएको छ । गाउँ गाउँमा समेत राम्ररी हुर्किदै जानुका साथै छिटो ठुला भएपछि यो व्यावसाय राम्ररी फस्टाउदै गएको उनले बताए । ब्रेाइलर कुखुराका कारण खसी बोका समेत धेरै समयपछि गाउँमा काटिन्छन उनले भने एक दुई किलो कुखुराको मासु लैजान सजिलो हुने भएकाले माग बढदै गएको हो । घरायसी भन्दा खोर भित्र दाना खुवाएर पालिने भएकाले ब्राहमण र कुखुराको मासु नखानेले समेत खान थालेका छन । महिना गनेरै मासु खाने घरमा समेत ब्रोइलर कुखुराले हप्तामा दुई तीन पटक मासु खाने गरेका छन ।

 

विदेशबाट फर्केर सदरमुकाममा कुखुरापालन व्यावसाय गर्दै आएका लक्ष्मण महतले पनि मासिक १० देखी २५ हजारसम्म सरदरमा कमाई गर्दै आएका छन । उनले सिजन अनुसार एक सय देखी ५ सयसम्म कुखुरापाल्ने गरेका छन । फर्ममा चल्ला राखेपछि जति धेरै दाना खुवाउन र स्याहार सुसार गर्न सकियो त्यति छिटो वजन बढदै जान्छ हंसपुरका दुर्गा बस्नेतले भने खाना र स्याहर सुसार गरे पुग्ने भएकाले आम्दानी पनि धेरै हुने गरेको हो । डेढ वर्ष देखी व्यावसायिक रुपमा ब्रोइलर कुखुरापालन गर्दै आएका उनले सिजन अनुसार एक सय देखी दुईसम्म कुखुराबाट मासिक १० हजार भन्दा बढी आम्दानी भैरहेको बताए । उनका अनुसार टोलैपिच्छे कुखुराफर्म खोलेर पाल्नेको सख्या बढदै गएको बताए ।

 

अधिकाश गाउँमा एउटा फर्म त अनिवार्य छ उनले भने अहि ठुलो र मोटरबाटोले छोएको गाउँमा तीन चार वटा फर्म खुलिरहेका छन । कुखुरा व्यावसायी संघका अध्यक्ष शम्भु केसीका अनुसार जिल्लामा सात सय भन्दा बढी फर्महरुबाट महिनामा ४५ हजार भन्दा बढी कुखुरा उत्पादन भैरहेका छन । सदरमुकाममा मात्रै तयारी भएको मासु बिक्रेताको सख्या समेत २५ पुगेको छ । दुई वर्ष देखी सदरमुकाम र गाउँमा ब्रोइलर कुखुराका फर्म छयापछयाप्ती खुल्न थालेपछि जिल्लामा बाहिरबाट जिउँदो ब्रोइलर कुखुरा ल्याउन छाडिएको छ । छिमेकी जिल्लामा गुल्मी पाल्पा र प्यूठानको केही बजार र गाउँमा समेत अर्घाखाँचीमा उत्पादन भएको ब्रोइलर कुखुरा निर्यात भईरहेको छ ।