डि.आर.जी-सुमन
मैदान ५ अर्घाखाँची
नेपाल
चिली
जिउँदो छु नभन् विभास आफै भित्र मरिसकिस् ,
झर्नुको हद भन्दा पनि धेरै तल झरिसकिस् !
जिउँदो छु नभन् विभास आफै भित्र मरिसकिस् !
उसले हान्छ लात तँलाई उसले पनि हान्छ,
सबैले लात मार्छन् बिलखबन्दमा परिसकिस् !
जिउँदो छु नभन् विभास आफै भित्र मरिसकिस् !
बेईमानीको नाम पाईस् न त कुनै काम पाईस्,
आफ्नै बिचारबाट पनि अन्तै तँ त झरिसकिस् !
जिउँदो छु नभन् विभास आफै भित्र मरिसकिस् !
अझ के पो होला खै खराब कुरा गर्न बाँकी,
जति थियो गर्न तैले सबै सबै नै गरिसकिस् !
जिउँदो छु नभन् विभास आफै भित्र मरिसकिस् !
जिउँदो छु नभन् विभास आफै भित्र मरिसकिस् ,
झर्नुको हद भन्दा पनि धेरै तल झरिसकिस् !
जिउँदो छु नभन् विभास आफै भित्र मरिसकिस् !
मंसिर १७ गते, २०६८ मा प्रकाशित
