मंसिर २५ गते, २०६८ मा प्रकाशित
रुसमा गत हप्ता सम्पन्न संसदीय चुनावमा व्यापक धांधली भएको भन्दै पूनः चुनाव गर्न माग गर्दै अहिले सम्मकै ठूलो प्रदर्शन भएको छ । राजधानी मस्को लगायत विभिन्न ५० शहरमा जम्मा भएका हजारौं प्रदर्शनकारीले पछिल्लो दशक कै सबैभन्दा ठूलो प्रदर्शनमा भाग दिएका छन् । उनीहरुले प्रधानमन्त्री भ्लालिमिर पुटिनको राजीनामाको माग समेत गरेका छन् । प्रदर्शनकारीहरुले पुटिन र उहांको युनाइटेट रसिया पार्टी विरुद्ध चर्का नारा लगाएका छन् ।
५० हजारको संख्यामा प्रहरी र दंगा प्रहरी परिचालन गरिएको छ । प्रहरीले हजार भन्दा बढी प्रदर्शनकारीलाई पक्राउ गरेको छ । सुरक्षाकर्मीहरुले रेड स्वायरलाई पूरै घेराबन्दी गरेका छन् भने सरकारी कार्यालय र निवास रहेको क्रेमलिन सम्म पुग्नबाट पनि प्रदर्शनकारीलाई रोकेका छन् । सोभियत संघको विघटन पछिको सबैभन्दा ठूलो प्रदर्शनमा वामपन्थी देखी लिएर उग्र राष्ट्रवादी र पश्चिमा मुलुकसंग निकट मानिएका उदारवादी दलका समर्थकहरुको सहभागिता रहेको बताइएको छ ।
चुनावमा पुटिनको पार्टीले २ सय ३८ सीटमा विजय हासिल गरेको थियो । रुसमा सन् १९१७ को रुसी क्रान्ति र सन् १९९१ सोभियत संघ विघटनको समयताको क्रान्ति राजधानी मस्कोबाटै शुरु भए पनि अहिलेको प्रर्दशनलाई क्रान्ति भन्न नसकिने अन्तर्राष्ट्रिय सञ्चारमाध्यमहरुले जनाएका छन् ।
अन्य समाचारहरु
