नरपानीको दहखोलामा टि्रपरले मोटरसाईकललाई ठक्कर दिदा २ जना गम्भीर घाईते

 

अर्घाखाँची ८ माघ । अर्घाखाँचीको नरपानी ५ दहखोलामा आज टि्रपरले मोटरसाईकललाई ठक्कर दिदा मोटर साईकलमा सवार दुईजना गम्भीर घाईते भएका छन् ।

बुटबलबाट सन्धिखर्क आउदै गरेको बा १ क ८५९८ नम्बरको टि्रपरले  सन्धिखर्कबाट बुटबल जादै गरेको लु ११ प ५३१८ को मोटर साईकललाई ठक्कर दिदा मोटर साईकलमा सवार २ जना गम्भीर घाईते भएका हुन् ।

घाईते हुनेमा स्यांगजा घर भई  हाल सन्धिखर्कमा रहेको बिसाल सुनचादी पसलमा काम गर्ने बर्ष २८ का तुलबहादुर बराल र उनकी छोरी ८ बर्षिय मनसुन बराल रहेको जिल्ला प्रहरी कार्यलय अर्घाखाँचीले बताएको छ ।

घाईते दुबैको जिल्ला अस्पताल सन्धिखर्कमा उपचार हुन नसकेपछि थप उपचारको लागि भैरहबा मेडिकल कलेजमा पठाईएको छ । टि्रप्पर चालकलाई प्रहरीले नियन्त्रणमा लिएको छ ।