माघ १६ गते, २०६८ मा प्रकाशित
युरोपेली मुलुक बेल्जियममा सरकारी खर्च कटौती योजना विरुद्ध आह्वान गरिएको आम हड्तालमा हजारौं मानिस सहभागी भएका छन् । दुई दशक यताकै सबैभन्दा ठूलो आमहड्तालको रुपमा लिइएको आमहड्तालमा विभिन्न कर्मचारी संगठनमा आवद्ध हजारौ कर्मचारी तथा ट्रेड युनियन सम्वद्ध कामदार पनि सहभागी भएका छन् । मितव्ययिता सम्बन्धि सरकारी योजनामा कर्मचारीको अवकाश पाउने उमेर पनि बढाइने प्रस्ताव गरिएको छ ।
हड्तालका कारण हवाई, रेल लगायतका यातायात पनि अवरुद्ध भएका छन् । वेल्जियमका मुख्य शहरहरुलाई प्रदर्शनकारीहरुले नाकाबन्दी गर्ने प्रयास गरेका छन् । जसका कारण राजधानी ब्रसेल्समा युरोपेली संघको शिखर वार्ताका लागि जम्मा भएका नेताहरुलाई सरकारले सैनिक विमानस्थलबाट आवत जावतको व्यवस्था मिलाएको छ ।
अन्य समाचारहरु
