– लिल बहादुर खड्का
बागी ८ अर्घाखाँची, नेपाल
हाल दोहा कतार
——————————————
जालस्रोतको धनी देश हाम्रो अन्धकार छायो
चौध घण्टा लोडसेडिंग खै कुन जमाना आयो ।
उज्यालोले झिली मिली पार्छौ भन्थे नेताहरु
झन झन बढ्दै गएका छन स्वदेशका बेथाहरु ।
बिधुतको सट्टा टायर बाल्न लगाउनेलाई
तिम्लाई के चिन्ता गाह्रो पर्दा बिदेश भाग्नेलाई ।
कहिले हुन्छ देश बिकास लोडसेडिंग झन बढदो छ
महंगीले आकाशै छुन लाग्यो झन झन बढदो छ ।
गाह्रो भो गरिबलाई बाँच्न खैत हामीलाई रोजगार
शिक्षा स्वास्थ्य छैन मौन छ यो अन्धो सरकार ।
गरिब पनी बाँच्न पाउने जन्म सिद्द अधिकार हो
मुखमा पट्टि हातमा हत्कडी जिबन जेल भयो ।
माघ २५ गते, २०६८ मा प्रकाशित
