लिवियामा पूर्व शासक कर्णेल गद्धाफीका छोरा सादी गद्धाफीद्धारा संक्रमणकालीन सरकार विरुद्ध विद्रोह छेड्ने चेतावनी

लिवियामा पूर्व शासक कर्णेल गद्धाफीका छोरा सादी गद्धाफीले लिवियाको संक्रमणकालीन सरकार विरुद्ध विद्रोह छेड्ने चेतावनी दिएका छन् । विद्रोह कुनै पनि बेला शुरु हुन सक्ने सादीको भनाई छ । सादी गद्धाफीले आफु लिवियाली सेना , मिलिसिया, परिषद्का अधिकारीहरु र परिवारका अरु सदस्यसंँग लगातार सम्पर्कमा रहेको दाबी गरेका छन् । हाल निजरमा रहेका सादीले लिवियामा अझै पनि राष्ट्रिय संक्रमणकालीन परिषद् भित्र र बाहिर आफ्ना समर्थकहरु रहेको बताएका छन् । विद्रोहीहरुले राजधानी ट्रिपोली नियन्त्रणमा लिएपछि सादी छिमेकी मुलुक निजर भागेका थिए । लिवियामा ४२ वर्ष सम्म शासन गरेका गद्धाफी गत अक्टोबरमा विद्रोही सेनाबाट मारिएका थिए ।