विश्वमा खाद्य संकटको चर्चा चलिरहेका बेला पहिलो पटक कृत्रिम मासु प्रयोग गरेर बर्गर तयार गरिने भएको छ । आगामी तिन महिना भित्र तयार हुने कृत्रिम बर्गर स्टिम कोशिकाहरुको सहयोगबाट प्रयोगशालामा सिन्थेटिक मासु प्रयोग गरि तयार गरिन लागेको हो ।
यो बर्गर नेदरल्याण्ड्सको एक प्रयोगशालामा ३० लाख डलरभन्दा पनि बढी खर्चमा तयार भैरहेको छ । व्यापारिक स्तरमा यसको उत्पादन हुन थालेपछि भने मूल्य घट्ने निर्माण पक्षको भनाइ छ ।
स्टिम कोशिकाहरुको मद्धतबाट सिन्थेटिक मासु बिक्रीका लागि तयार गरिने भएपनि यस्तो मासु खान कति मानिस तयार हुन्छन् भन्नेबारे भने अहिल्यै भन्न नसकिने उत्पादन पक्षको भनाइ छ । सन् २०३० सम्म विश्वमा अहिलेभन्दा ५० प्रतिशत खानाको माग बढ्ने अनुमान गरिएको छ ।
माघ २९ गते, २०६८ मा प्रकाशित
