काठमाडौँ – नेपालका ७२ वर्षीय चन्द्रबहादुर डाँगीलाई गिनिज बुक अफ वर्ल्ड रेकर्डस्ले विश्व कै होचा व्यक्ति भएको पुष्टि गरेको छ। डाँगीलाई नाप्न लन्डनबाट आएका गिनिज बुक अफ वर्ल्ड रेकर्डसका प्रधान सम्पादक क्रेग ग्लिन्डेले डाँगीको उचाइ ५४.६ सेमीमात्र भएको प्रमाणित भएको बताएका हुन्।
लन्डनबाट काठमाडौँ आएको गिनिजको टोलीले लैनचौरको क्लिनिक ट्राभल मेडिसिन सेन्टरमा उनको उचाइ गिनिजको मापदण्ड अनुसार २४ घण्टामा तीन पटक नापेको थियो।
गिनिज बुकको आधिकारिक साइटमा उल्लेख भए अनुसार उनी विश्वमा अहिलेसम्म भेटिएकामध्ये नै सबैभन्दा होचा प्रमाणित भएका हुन्। यो कीर्तिमान यसअघि भारतका गुल मोहम्मदको नाममा थियो जसको उचाइ ५७ सेमी थियो। यसअघि जीवित व्यक्ति मध्ये सबैभन्दा होचाको कीर्तिमान चाहिँ फिलिपिन्सका जुन्रे वालाविङको नाममा थियो।
फाल्गुन १४ गते, २०६८ मा प्रकाशित
