चिलीको जंगलमा दुई दिन अघि लागेको आगो नजिकैको बस्तीमा फैलिएपछि ५० वटा घर जलेर नष्ट भएका छन् ।
साथै पार्किङमा राखिएका सयौं गाडी पनि जलेर नष्ट भएका छन् । आगलागीका कारण केही नागरिक घाइते भएका छन् ।
चिलीको भिना देल मार शहर नजिकको जंगलमा रातको समयमा एक्कासी आगलागी भएको र सो आगो बस्तीमा फैलिएको बताईएको छ ।
आगो नियन्त्रणका लागि अग्नी नियन्त्रकहरुले प्रयास जारी राखेका छन् ।
बस्तीमा फैलिएको आगो नियन्त्रणमा आएपनि जंगलमा फैलिएको आगो नियन्त्रणमा आउन नसकेको अधिकारीहरुले जनाएका छन् ।
फाल्गुन १७ गते, २०६८ मा प्रकाशित
