ग्वाटेमालाका दक्षिणपन्थी अर्धसैनिक बलका पाँच पूर्व सदस्यहरुलाई सन् १९८२ को नरसंहार मच्चाउन भूमिका खेलेको भन्दै कुल ७ हजार ७ सय १० वर्षको जेल सजाय सुनाइएको छ ।
उत्तरी ग्वाटेमालाको एक ग्रामीण समुदायका मानिसको नरसंहरमा उनीहरुले सेनालाई सहयोग गरेको पाइएको थियो । उक्त नरसंहारमा मारिनेहरुमा धेरैजसो महिला र बालबालिका थिए ।
न्यायाधीश जाज्मिन बारिओसले नरसंहारमा मारिएका २ सय ५६ जनाको हत्यामा संलग्न रहेका ति अर्धसैनिकलाई ३०-३० वर्ष र थप ३० वर्ष मानवता विरोधी अपराध गरेकोमा सजाय सुनाएका हुन् ।
ग्वाटेमालामा सन् १९६० देखी सन् १९९६ बीच भएको गृहयुद्धमा २ लाख भन्दा बढी मानिस मारिएका थिए ।
चैत्र ८ गते, २०६८ मा प्रकाशित
