बर्मामा आज उपचुनावको मतदान भइरहेको छ । ४५ सीटका लागि भएको उपचुनावमा प्रजातन्त्रबादी नेतृ आङसाङ सुकी पनि चुनावी मैदानमा रहेकोले यो उपचुनावलाई महत्वपूर्णका साथ हेरिएको छ ।
उनको पार्टी नेशनल लीग फर डेमोक्रेसीले मृतक ब्यक्तिको नाम मतदाताको सूचीमा रहेको र आफना समर्थकहरुमध्ये १ सय ब्यक्तिको नाम हटाइएको दाबी गर्दै चुनावको निष्पक्षतामा शंका गर्दै आएको छ ।
सुकीले बर्माको दक्षिण पश्चिम स्थित कावमु क्षेत्रबाट जित्ने सम्भावना रहेको बिश्लेषण गरिएको छ । बर्मामा सेना समर्थित सरकार सत्तामा आएको एक बर्षपछि उपचुनाव भएको हो ।
चुनाव सुपरीबेक्षणका लागि बिदेशी पर्यवेक्षकहरुलाई अवलोकनका लागि अनुमती दिईएको छ । यसका लागि आसियान,युरोपियन संघ लगायतका देशका पर्यबेक्षक बर्मा पुगीसकेका छन् ।
चैत्र १९ गते, २०६८ मा प्रकाशित
