नयाँ वर्ष विक्रम सम्वत २०६९ को नेपाल लगायत संसार भर रहेका नेपालीबासीहरुले हार्दिकता पुर्वक स्वागत गरेका छन ।
नेपालमा नयाँ वर्षको अवसरमा अनेकौ कार्यक्रमहरु गरिएका छन भने विदेशमा सोही अनुसार कार्यक्रमका आयोजना गरिएका छन ।
नयाँ वर्ष २०६९ को काठमाडौं लगायत देश भर विभिन्न कार्यक्रम आयोजना गरी स्वागत गरिएको छ ।
एक आपसमा सुख शान्ती, प्रगती, सफलताको कामना गर्दै शुभकामना आदान प्रदान गरिएका छन।
आज वि सं २०६९ साल बैशाख महिनाको पहिलो दिन, २०६८ सालको विदाई र नयाँ वर्षको स्वागतमा देशभरमा बिभिन्न कार्यक्रम गरेर नयाँ वर्ष मनाइदैछ ।
नेपालको शान्ति प्रक्रिया र संविधान निर्माणको काम टुङ्गोमा पुग्ने सङ्केतपछि नागरिकमा नयाँ उत्साह तथा उमङ्गको सन्चार भएको छ । माओवादी लडाकु, हतियार तथा लडाकु बस्दै आएको शिविर नेपाली सेनाको मातहतमा आएपछि शान्ति प्रक्रिया टुङ्गिने र संविधान निर्माणको काम पूर्व निर्धारित समयमै सकिने आशा आम नागरिकले गरेका छन् ।
विगतमा भएका कमीकमजोरीको समीक्षा गर्दै आगामी योजना र सच्याउनुपर्ने विषयका बारेमा छलफल तथा मनन गरेर नयाँ वर्ष मनाउने परम्परा छ ।
नयाँवर्षको अवसर पारेर बिभिन्न राजनीतिक दल, संघसङ्गठनहरुले आज औपचारिक एवम् अनौपचारिक कार्यक्रम गरेर शुभकामना आदानप्रदान गर्दैछन् ।
बैशाख १ गते, २०६९ मा प्रकाशित
